Йәш беҙҙең күңелдәр.

Мораҙым ауылы мәҙәниәт йортонда Ололар көнөнә арналған «Йәш беҙҙең күңелдәр» тип аталған байрам сараһы үтте.
Байрамда мәҙәниәт хеҙмәткәрҙәре тарафынан дәртле йырҙар , матур шиғырҙар һөйләнде.Ауылыбыҙҙың ағинәйҙәре лә үҙҙәренең сығыштары менән байрамға йәм өҫтәне.Күмәкләшеп йырлашып, бейеп, рәхәтләнеп һөйләшеп, аралашып ултырып, ысын күңелдән рәхмәттәрен әйтеп ҡайтып киттеләр ауылыбыҙҙың өлкән быуын кешеләре.
Олатай-өләсәйҙәребеҙ, ағинәйҙәребеҙ! Һеҙҙе бөгөнгө матур байрам – ололар көнө менән ихлас күңелдән ҡайнар ҡотлайбыҙ! Һеҙгә таҙалыҡ- һаулыҡ, оҙон ғүмер, бәхетле ҡартлыҡ теләйбеҙ!
Тормошобоҙҙа ошондай йырлы-моңло осрашыуҙар күберәк булһын, бер-беребеҙҙең ҡәҙерен белеп, бергә-бергә йәшәргә насип итһен!