Ҡәҙерле әсәйемә

Яҙҙың тәүге йылы байрамы-8 март байрамы уңайынан Мораҙым ауылы моделле китапханаһында 2-3 класс уҡыусыларына «Ҡәҙерле әсәйемә» исемле үҙ ҡулдары менән открытка эшләү буйынса оҫталыҡ дәресе үтте. Малайҙар һәм ҡыҙҙар ысын күңелдән бирелеп китеп, төҫлө ҡағыҙҙан сәскәләр йәбештереп матур открыткалар яһанылар. Эш барышында әсәйҙәр тураһында шиғырҙар ҙа һөйләнеләр. Сара аҙағында уҡыусылар иң ҡәҙерле кешеләренә иң изге теләктәрен, рәхмәт һүҙҙәрен яҙып эшләгән эштәрен әсәйҙәренә бүләк итәсәктәрен белдерҙеләр.