Табын – Фест -2024

15 майҙа Үтәймулла ауылында VI “Табын -Фест -2024” Табын ырыуы башҡорт йәштәре фестивале сиктәрендә Мәғариф форумы үтте.
2023 йылда “Табын – Фест ” Табын ырыуы башҡорт йәштәре фестиваленең күсмә вымпелы һәм эстафетаһы Балтастан Ауырғазыға
тапшырылғайны. Әлеге мәғариф форумы Үтәймулла ла булған “Табын – Фест” тың беренсе этабы булып тора.
“Төп маҡсаты ватансылыҡ, ата- балаларыбыҙҙың ғөрөф – ғәҙәттәрен һаҡлау һәм дауам итеү, туған телгә һәм тарихҡа һөйөү тәрбиәләүсе фәһемле булған бындай саралар күберәк ойошторолорға тейеш. Ошо рәүешле беҙ быуындар бәйләнешен тергеҙәбеҙ, ата – балаларыбыҙҙың рухи байлығын киләсәккә тапшырабыҙ,”- тине Башҡортостан Республикаһының атҡаҙанған мәҙәниәт хеҙмәткәре, Табын ырыуы берләшмәһе Советы рәйесе Фәнил Шәмсетдин улы Ҡоҙаҡаев.
Үтәймулла ауылы халҡы был байрамға дәртләнеп, ҡыуанып әҙерләнде һәм үҙҙәренең ырыу тарихын – шәжәрәләрен дә эшләтеп алдылар. Мәҙәниәт йортоноң фойеһында төрлө йүнәлештә күргәҙмәләр ҡуйылды.
Ошо күргәҙмәгә үҙҙәренең матур ҡул эштәре менән Роза Зәки ҡыҙы Аҙнабаева, Нурия Йәғәфәр ҡыҙы Галина һәм Зәйтүнә Риф ҡыҙы Шәрифйәнова ҡатнашты. Апайҙарға ҙур рәхмәт артабанда уңыштар теләйбеҙ.
Ауыл китапханасыһы “Яҡташ яҙыусылар ижады” тигән бай йөкмәткеле китап күргәҙмәһе ойошторҙо. Был күргәҙмәлә үҙебеҙҙең ауылыбыҙҙан сыҡҡан күренекле, талантлы шағирҙарҙың китаптары, журналда баҫылған шиғырҙары һәм тематик папкалар урын алды. Шулай уҡ Рәшит Назаров һәм Ғәлимйән Ибраһимовтың китаптары менән тулыланды.
Бай йөкмәткеле, экспонаттар менән тулыландырылған тирмәләр һәр кемде ихлас ҡаршылап торҙо.
Тирмәләрҙең эске яғын биҙәү эштәре менән яуаплы Булатов Йәмил һәм Асадуллина Розалия. Ысынлап та тирмәгә кемдәр генә кермәне халыҡ кәсептәре ижад иткән әйберҙәрҙе ҡарап һәм фотоға төшөү урыны булды.
Фәһемле осрашыу йыйында ҡатнашыусыларға дәрт, рух өҫтәне.
Табын – фесттың икенсе этабы, йәштәрҙең байрам фестивале Толбазыла 8 июндә үтәсәк.