Арҙаҡлы ауылдашыбыҙ

7-се майҙа Башҡортостан Республикаһының мәғариф отличнигы, тарихсы,шахмат буйынса күп тапҡырҙар еңеүҙәр яулаған хөрмәтле ауылдашыбыҙ, әлеге көндә Михайловка ауылында йәшәүсе Нил Закир улы Ҡоҙашев матур ғүмер байрамы – 65 йәшен билдәләне. Ул үҙенең хеҙмәт юлын Михайловка ауылы мәктәбендә башлай. Уҡытыусы булып эшләй, унан һуң мәктәп директоры итеп тәғәйенләнә. Күп йылдар Михайловка ауыл Советын етәкләй. Хаҡлы ялда ла тыныс ҡына ял итеп ятмай, ә төптән тыуған яҡ тарихын өйрәнеү менән шөғөлләнә.
Хөрмәтле Нил Закир улы, һеҙҙе матур ғүмер байрамығыҙ менән ҡотлайбыҙ. Ныҡлы һаулыҡ, ғаилә бәхете теләйбеҙ!