Йәш шайморатовсылар балы

Мораҙым ауылы мәктәбенең «шайморатовсылар» класы уҡыусылары Өфөлә «Йәш шайморатовсылар балы»нда ҡатнашып, үҙҙәрен юғары кимәлдә күрһәтте! 💫

💪Сарала ҡатнашыу алдынан уҡыусылар директор кәңәшсеһе Раушания Ҡоҙашева етәкселегендә Өфөлә хореографтар менән етди күнекмәләр үтте. Улар башҡорт вальсында ла, полонез һәм лансье бейеүҙәрен башҡарыуҙа ла оҫталыҡтарын күрһәтте һәм һынатманы. 🎸🎺Йәнле оркестр, 🎊иҫкиткес матур күлдәктәр һәм 💃🕺нәфис вальс хәрәкәттәре бер кемде лә битараф ҡалдырманы, байрам атмосфераһын ысын кимәлдә тойорға мөмкинлек бирҙе.

💃Бал Ватанды һаҡлаусылар йылына, Батырҙар, Конституция һәм Башҡорт теле көндәренә арналды. Башҡортостан башлығы Радий Хәбиров ҡатнашыусыларҙы сәләмләне, хәтерҙе һәм традицияларҙы һаҡлауҙың мөһимлегенә баҫым яһаны!

«Рух» гәзитенән алынды